Сонгуулийн хөндлөнгийн ажиглалт, судалгааны дүн хоорондоо нийцжээ
Европын аюулгүй байдал, хамтын ажиллагааны байгууллагын Ажиглагчдын багийн дарга, Элчин сайд хатагтай Одри Гловер Монгол Улсын Ерөнхийлөгчийн 2013 ны сонгуулийн үйл ажиллагааны явцад өгсөн мэргэжлийн үнэлэмж, цаашид хэрэгжүүлэх ажил, арга хэмжээний зөвлөмжөө өчигдөр улс төрийн зарим нам болон иргэний нийгмийн байгууллагын төлөөлөлд танилцууллаа.
Энэ арга хэмжээнд оролцсон Монгол Улсын Сонгуулийн Ерөнхий Хорооны дарга Ч.Содномцэрэн хэлсэн үгэндээ, Монголын сонгуулийн төв байгууллага энэ нэр хүнд бүхий олон улсын байгууллагатай сонгуулийн үеэр үр дүнтэй хамтран ажилласныг дурдаад олон улсын ажиглагчид нийт 26 асуудлаар зөвлөмж гаргасны 16 нь сонгуулийн эрх зүйн орчинг улам боловсронгуй болгох, үлдсэн нь сонгуулийн болон холбогдох бусадбайгууллагатай холбоотой байсныг тэмдэглэв.
Энэ зөвлөмжийг харгалзан Монгол Улсын Сонгуулийн Ерөнхий Хороо сонгуулийн хуулийн төсөл боловсруулах үүрэг бүхий Улсын Их Хурлын ажлын хэсэгт хаяглан 50 санал, 100 саналын томьёоллыг боловсруулж илгээсэн бөгөөд тэдгээрийн 70 орчим хувь нь эрх зүйн орчинг сайжруулахтай, үлдсэн хувь нь зохион байгуулалтын шинжтэй байсныг тэрээр танилцууллаа.
Европын аюулгүй байдал, хамтын ажиллагааны байгууллагын ажиглагчдын багийн ахлагчийн танилцуулгатай холбогдуулан саналаа илэрхийлсэн НҮБ-ын Монгол Улс дахь Хөгжлийн Хөтөлбөрийнхөн сонгуультай холбоотой явуулсан судалгаагаар нь сонгуульд итгэх сонгогчдын итгэл өндөр байсныг, “Сонгогчдын боловсрол” төвийн дүгнэлтээр санал авах, тоолох үйл ажиллагааг ажиглагчдынх нь 25 орчим хувь нь “маш сайн”, 70 гаруй хувь нь “сайн” гэсэн үнэлгээ өгсөн тухай тус тус танилцуулав.
Энэхүү Европын аюулгүй байдал, хамтын ажиллагааны байгууллага, Монгол Улс дахь НҮБ-ын салбар байгууллагын ажиглалт болон монголын иргэний нийгмийн байгууллагын судалгааг өөр хоорондоо тусдаа, бие даан явуулсан ч үр дүн нь хоорондоо нийцсэн, сонгуулийг бодитой үнэлсэн хөндлөнгийн маргашгүй үнэлгээ хэмээн үзүүштэй.
2014 оны 06 дугаар сарын 19
Энэ арга хэмжээнд оролцсон Монгол Улсын Сонгуулийн Ерөнхий Хорооны дарга Ч.Содномцэрэн хэлсэн үгэндээ, Монголын сонгуулийн төв байгууллага энэ нэр хүнд бүхий олон улсын байгууллагатай сонгуулийн үеэр үр дүнтэй хамтран ажилласныг дурдаад олон улсын ажиглагчид нийт 26 асуудлаар зөвлөмж гаргасны 16 нь сонгуулийн эрх зүйн орчинг улам боловсронгуй болгох, үлдсэн нь сонгуулийн болон холбогдох бусадбайгууллагатай холбоотой байсныг тэмдэглэв.
Энэ зөвлөмжийг харгалзан Монгол Улсын Сонгуулийн Ерөнхий Хороо сонгуулийн хуулийн төсөл боловсруулах үүрэг бүхий Улсын Их Хурлын ажлын хэсэгт хаяглан 50 санал, 100 саналын томьёоллыг боловсруулж илгээсэн бөгөөд тэдгээрийн 70 орчим хувь нь эрх зүйн орчинг сайжруулахтай, үлдсэн хувь нь зохион байгуулалтын шинжтэй байсныг тэрээр танилцууллаа.
Европын аюулгүй байдал, хамтын ажиллагааны байгууллагын ажиглагчдын багийн ахлагчийн танилцуулгатай холбогдуулан саналаа илэрхийлсэн НҮБ-ын Монгол Улс дахь Хөгжлийн Хөтөлбөрийнхөн сонгуультай холбоотой явуулсан судалгаагаар нь сонгуульд итгэх сонгогчдын итгэл өндөр байсныг, “Сонгогчдын боловсрол” төвийн дүгнэлтээр санал авах, тоолох үйл ажиллагааг ажиглагчдынх нь 25 орчим хувь нь “маш сайн”, 70 гаруй хувь нь “сайн” гэсэн үнэлгээ өгсөн тухай тус тус танилцуулав.
Энэхүү Европын аюулгүй байдал, хамтын ажиллагааны байгууллага, Монгол Улс дахь НҮБ-ын салбар байгууллагын ажиглалт болон монголын иргэний нийгмийн байгууллагын судалгааг өөр хоорондоо тусдаа, бие даан явуулсан ч үр дүн нь хоорондоо нийцсэн, сонгуулийг бодитой үнэлсэн хөндлөнгийн маргашгүй үнэлгээ хэмээн үзүүштэй.
2014 оны 06 дугаар сарын 19