Узбекистан Улсын Парламентын сонгууль

Узбекистан Улсын Парламентын Доод танхим болох Хууль тогтоох танхимын сонгууль 12 дугаар сарын 21-ний өдөр явагдлаа.  

 

Хууль тогтоох танхимын 135 төлөөлөгчийг нэг мандаттай тойргуудаас хоёр шаттайгаар мажоритар системээр сонгох ба үлдсэн 15 суудал нь Узбекистаны Байгаль орчныг хамгаалах нийгэмлэгт хадгалагдан үлддэг. Тус улсад албан ёсны бүртгэлтэй 4 нам байдаг бөгөөд сонгуульд бүгд оролцож, эдгээр намаас 535 нэр дэвшигч болон бие даан нэр дэвшигчид өрсөлдөв.

 

Сонгуулийн санал хураалт 06-20 цагийн хооронд 9035 сонгуулийн хэсэгт явагдсан. 12-р сарын 11-19-ний өдрүүдэд урьдчилсан санал хураалт явагдсан ба гадаадад улсад амьдардаг иргэдийн саналыг гадаад улсад байгуулагдсан 44 хэсэгт авчээ.

 

Тус улсын хуулиар тухайн сонгуулийг хүчинтэйд тооцох сонгогчдын ирцийн босго 33%  байдаг. 20,79 сая сонгогчтойгоос 88 гаруй хувь нь сонгуульд саналаа өгсөн байна. Одоогоор саналын хуудас тоолох ажиллагаа ид явагдаж байгаа ажээ.