Оросын сонгуулийн төв байгууллагын төлөөлөгчид сонгууль ажиглахаар ирэв

Хэвлэх2018.06.22



Монгол Улсын Сонгуулийн Ерөнхий Хороны дарга Ч.Содномцэрэн  Оросын Холбооны Улсын Сонгуулийн Төв Комиссын гишүүн С.М.Шапиев тэргүүтэй төлөөлөгчдийг  өнөөдөр хүлээн авч уулзлаа.


Төлөөлөгчид Монгол Улсын Сонгуулийн Ерөнхий Хорооны урилгаар манай улсад ажлын айлчлал хийхээр хүрэлцэн ирсэн бөгөөд энэ хүрээнд зургадугаар сарын 24-ний өдөр болох Орон нутгийн Иргэдийн Төлөөлөгчдийн Хурлын нөхөн болон дахин сонгуулийг ажиглах гэж байна.


Уулзалтын үеэр ОХУ-ын Сонгуулийн Төв Комиссын гишүүн С.М.Шапиев  Монгол Улсад сонгууль ажиглахаар анх удаа ирж байна гэдгээ хэллээ. Тэрээр, Монгол Улсад сонгуулийн автоматжуулсан системийг ашиглаж  буйг  туршлагыг сонирхож байна гээд Оросын сонгуулийн байгууллага энэ туршлагыг нэвтрүүлэхийг эрмэлзэж байна гэдгээ илэрхийллээ. Мөн монголын сонгуулийн байгууллага санал тоолох төхөөрөмжийг ашиглахын зэрэгцээ санал хураалт дууссаны дараа гараар тооллого явуулж байгаа  нь сонгогчдын итгэлийг төрүүлж байгаа сайн туршлага юм гэдгийг онцоллоо.


СЕХ-ны дарга Ч.Содномцэрэн хэлсэн үгэндээ, энэ онд болсон ОХУ-ын Ерөнхийлөгчийн сонгуулийг ажиглах явцад авууштай сайн туршлага олон байсныг тэмдэглээд  сонгуулийг ямар ч зөрчил будлиангүй зохион байгуулсан, өөрийн автоматжуулсан системийг нэвтрүүлэн санал хураалтын дүнг  бүсчлэн субьект бүрээр цэгцтэй  шуурхай харуулсан, ажиглалт хийсэн сонгуулийн хэсэг дээр санал хураалтыг сайн зохион байгуулсан  зэргийг цохон хэллээ.





Энд дарна уу




Бидэнтэй нэгдэх
  • Facebook
  • Twitter
  • Google Plus
  • YouTube
  • SlideShare

  • Copyright © 1992-2012 Сонгуулийн Ерөнхий Хороо. All rights reserved.
    Бүх материал болон вэб сайтын дизайны зохиогчийн эрхийг Сонгуулийн Ерөнхий Хороо эзэмших эрхтэй.